ਉ
16 Tracks-
1. ਉਹ ਧੰਨ ਹੈ ਜੋ ਨਾ ਮੰਨਦਾ ਹੈ, ਸਲਾਹ ਸ਼ਰੀਰਾਂ ਦੀ,
ਨਾ ਤੁਰਦਾ-ਏ ਉਹ ਬੁਰਿਆਂ ਦੇ, ਰਾਹ ਉੱਤੇ ਕਦੀ ਵੀ।2. ਮਖ਼ੌਲੀਆਂ ਦੇ ਜਲਸੇ ਵਿੱਚ ਨਾ ਕਦੀ ਬਹਿੰਦਾ ਏ,
ਪਰ ਦਿਨੇ ਰਾਤੀਂ ਸ਼ਰ੍ਹਾ ਨੂੰ ਉਹ ਸੋਚਦਾ ਰਹਿੰਦਾ ਏ।3. ਹਾਲ ਉਹਦਾ ਏ ਉਸ ਬੂਟੇ ਵਾਂਗ, ਜੋ ਲੱਗਾ ਪਾਣੀ ’ਤੇ
ਫਲ਼ ਆਪਣੇ ਵੇਲੇ ਦੇਵੇਗਾ, ਨਾ ਪੱਤਰ ਸੁੱਕਣਗੇ।4. ਉਹ ਆਪਣੇ ਸਾਰੇ ਕੰਮਾਂ ਵਿੱਚ ਫ਼ਲਦਾਇਕ ਹੋਵੇਗਾ,
ਪਰ ਤੂੜੀ ਵਾਂਗਰ ਵਾਅਦੇ ਨਾਲ
ਬਦਕਾਰ ਉੱਡ ਜਾਵੇਗਾ।5. ਸ਼ਰੀਰ ਤੇ ਵਿੱਚ ਕਚਹਿਰੀ ਦੇ ਖਲੋ ਨਾ ਸਕਣਗੇ,
ਤੇ ਮੰਡਲੀ ਵਿੱਚ ਸਚਿਆਰਾਂ ਦੀ
ਬਦਕਾਰ ਨਾ ਠਹਿਰਨਗੇ।6. ਕਿਉਂ ਜੋ ਖ਼ੁਦਾਵੰਦ ਪਾਕ ਖ਼ੁਦਾ,
ਰਾਹ ਜਾਣਦਾ ਸਾਦਿਕ ਦਾ,
ਪਰ ਰਾਹ ਜੋ ਹੈ ਸ਼ਰੀਰਾਂ ਦਾ ਸੋ ਉੱਡ–ਪੁੱਡ ਜਾਵੇਗਾ। -
1. ਉਹ ਕਿੱਡੇ ਵੱਡੇ, ਐ ਖ਼ੁਦਾ, ਜੋ ਦੁਸ਼ਮਣ ਮੇਰੇ ਹਨ,
ਜੋ ਮੇਰੇ ਵੈਰ ਵਿੱਚ ਉੱਠਦੇ ਹਨ ਸੋ ਉਹ ਬਥੇਰੇ ਹਨ ।2. ਜਾਨ ਮੇਰੀ ਵਲੋਂ ਕਰਦੇ ਹਨ ਬਥੇਰੇ ਇਹੋ ਬਾਤ,
ਖ਼ੁਦਾਵੰਦ ਉਸਨੂੰ ਕਦੀ ਵੀ ਨਾ ਦੇਵੇਗਾ ਨਜਾਤ।3. ਪਰ ਮੇਰੇ ਵਾਸਤੇ ਤੂੰ ਹੀ ਹੈਂ ਇੱਕ ਢਾਲ, ਖ਼ੁਦਾਵੰਦਾ,
ਤੂੰ ਮੇਰੀ ਇੱਜ਼ਤ, ਮੈਨੂੰ ਹੁਣ ਤੂੰ ਆਪ ਵਧਾਵੇਂਗਾ।4. ਜਦ ਉੱਚੀ ਕਰਨਾ ਹਾਂ ਆਵਾਜ਼ ਮੈਂ ਤਰਫ਼ ਖ਼ੁਦਾਵੰਦ ਦੀ,
ਉਹ ਆਪਣੇ ਪਾਕ ਪਹਾੜ ਉੱਤੋਂ ਆਵਾਜ਼ ਸੁਣੇਗਾ ਵੀ।5. ਮੈਂ ਲੰਮਾ ਪੈ ਕੇ ਸੌਂ ਰਿਹਾ ਆਰਾਮ ਤੇ ਖ਼ੁਸ਼ੀਆਂ ਨਾਲ,
ਜਾਗ ਉੱਠਿਆ ਮੈਂ, ਜੋ ਮੈਨੂੰ ਰੱਬ, ਆਪ ਲੈਂਦਾ ਹੈ ਸੰਭਾਲ।6. ਨਾ ਮੈਨੂੰ ਡਰ ਕੁਝ ਹੋਵੇਗਾ, ਜੇ ਲੋਕੀਂ ਦਸ ਹਜ਼ਾਰ,
ਇਕੱਠੇ ਹੋ ਕੇ ਮੇਰੇ ਨਾਲ ਹੋਣ ਲੜਨ ਨੂੰ ਤਿਆਰ।7. ਉੱਠ ਤਾਂਹ, ਖ਼ੁਦਾਵੰਦ ਮੇਰੇ ਰੱਬ ਬਚਾਅ ਹੁਣ ਮੈਨੂੰ ਤੂੰ,
ਤਮਾਚੇ ਤੂੰ ਹੀ ਮਾਰੇ ਹਨ, ਸਭ ਦੂਤੀ ਵੈਰੀ ਨੂੰ।8. ਦੰਦ ਤੂੰ ਏਂ ਆਪ ਤਰੋੜੇ ਹਨ, ਚੰਡਾਲ ਸ਼ਰੀਰਾਂ ਦੇ,
ਨਜਾਤ ਹੈ ਤੇਥੋਂ, ਬਰਕਤ ਵੀ ਹੈ ਤੇਰੇ ਲੋਕਾਂ ’ਤੇ। -
1. ਉਹ ਧੰਨ ਜਿਸਦੇ ਬਖ਼ਸ਼ੇ ਗਏ ਸਭ ਗ਼ੁਨਾਹ,
ਤੇ ਢੱਕੇ ਗਏ ਸਾਰੇ ਔਗੁਣ ਸਦਾ।2. ਨਾ ਰੱਬ ਜਿਸਦੇ ਪਾਪਾਂ ਦਾ ਕਰਦਾ ਹਿਸਾਬ,
ਉਹ ਧੰਨ ਹੈ ਤੇ ਦਿਲ ਉਸਦਾ ਨਹੀਂ ਖਰਾਬ।3. ਮੈਂ ਜਦ ਚੁੱਪ ਰਿਹਾ ਤਦ ਮੇਰੀਆਂ ਹੱਡੀਆਂ,
ਕਰ੍ਹਾਂਦੇ ਹੋਏ ਸਾਰਾ ਦਿਨ ਗਲ ਗਈਆਂ।4. ਦਿਨੇ ਵੀ ਤੇ ਰਾਤੀਂ ਵੀ ਮੇਰੇ ਖ਼ੁਦਾ,
ਤੇਰਾ ਹੱਥ ਮੇਰੇ ਉੱਤੇ ਭਾਰਾ ਰਿਹਾ।5. ਤੇ ਚਰਬੀ ਮੇਰੀ ਸਾਰੀ ਪਿੱਘਰ ਗਈ,
ਗਰਮੀ ਵੀ ਖ਼ੁਸ਼ਕੀ ਨਾਲ ਬਦਲ ਗਈ।6. ਤੇਰੇ ਕੋਲ ਕੀਤਾ ਗ਼ੁਨਾਹ ਦਾ ਇਕਰਾਰ,
ਹਾਂ ਮਨ ਲਿਆ ਮੈਂ ਤੇ ਹਾਂ ਡਾਢਾ ਬਦਕਾਰ।7. ਮੈਂ ਕਿਹਾ ਕਿ ਜੋ ਕੁਝ ਹੈ ਮੇਰਾ ਕਸੂਰ ,
ਮੈਂ ਮੰਨਾਂਗਾ ਆਪਣੇ ਖ਼ੁਦਾ ਦੇ ਹਜ਼ੂਰ।8. ਸੋ ਮੇਰੀ ਬਦਜਾਤੀ ਦਾ ਭਾਰਾ ਗ਼ੁਨਾਹ,
ਤੂੰ ਬਖ਼ਸ਼ ਦਿੱਤਾ ਮੈਨੂੰ ਐ ਮੇਰੇ ਖ਼ੁਦਾ।9. ਇਸ ਵਾਸਤੇ ਐ ਰੱਬਾ ਜੋ ਲੋਕ ਹਨ ਦੀਨਦਾਰ,
ਤੂੰ ਜਦ ਤੀਕਰ ਲੱਭੇਂ ਉਹ ਕਰਨਗੇ ਪੁਕਾਰ।10. ਤੇ ਭਾਵੇਂ ਦਰਿਆ ਵਿੱਚ ਉੱਠੇ ਤੂਫ਼ਾਨ,
ਨਾ ਉਹਨਾਂ ਦਾ ਹੋਵੇਗਾ ਕੁਝ ਵੀ ਨੁਕਸਾਨ ।11. ਹੈ ਥਾਂ ਮੇਰੇ ਲੁਕਣ ਦਾ ਤੂੰ ਏਂ ਖ਼ੁਦਾ,
ਬਚਾਂਦਾ ਹੈਂ ਦੁੱਖਾਂ ਤੋਂ ਤੂੰ ਏਂ ਸਦਾ।12. ਖ਼ੁਸ਼ੀ ਬਖ਼ਸ਼ਦਾ ਮੈਨੂੰ ਕਰਦਾ ਨਿਹਾਲ,
ਤੂੰ ਘੇਰਦਾ ਛੁਟਕਾਰੇ ਦੇ ਗੀਤਾਂ ਦੇ ਨਾਲ। -
29. ਉਹਨਾਂ ਤੇਰੀਆਂ ਚਾਲਾਂ ਹਨ ਵੇਖੀਆਂ, ਐ ਖ਼ੁਦਾ,
ਮਕਦਿਸ ਵਿੱਚ ਤੇਰੀਆਂ ਚਾਲਾਂ, ਐ ਮੇਰੇ ਰੱਬ, ਬਾਦਸ਼ਾਹ।30. ਗਵੱਈਏ ਅੱਗੇ-ਅੱਗੇ, ਸਭ ਗਾਉਂਦੇ ਜਾਂਦੇ ਸਨ,
ਤੇ ਸਾਜ਼ਾਂ ਵਾਲੇ ਪਿੱਛੇ ਵਜਾਂਦੇ ਜਾਂਦੇ ਸਨ।31. ਕੁਆਰੀਆਂ ਵੀ ਮਿਲਕੇ ਫਿਰ ਉਹਨਾਂ ਦੇ ਨਾਲ ਨਾਲ,
ਵਜਾ-ਵਜਾ ਤਬਲੇ ਖੂਬ ਹੁੰਦੀਆਂ ਸਨ ਨਿਹਾਲ।32. ਜੋ ਤੁਸੀਂ ਇਸਰਾਏਲ ਦੇ ਚਸ਼ਮੇ ਦੀ ਹੋ ਔਲਾਦ,
ਗੁਰੋਹਾਂ ਵਿੱਚ ਖ਼ੁਦਾ ਨੂੰ ਕਹੋ ਮੁਬਾਰਿਕਬਾਦ।33. ਸਿਰ ਛੋਟਾ ਬਿਨਯਾਮਿਨ ਹੈ, ਯਹੂਦਾ ਸਲਾਹਕਾਰ,
ਨਫ਼ਤਾਲੀ ਤੇ ਜ਼ਬਲੂਨ ਦੇ ਸਭ ਓਥੇ ਹਨ ਸਰਦਾਰ। -
6. ਉਮੀਦ, ਆਸ ਮੇਰੀ ਹੈਂ ਤੂੰਏ ਰਿਹਾ ਸਦਾ,
ਉਸ ਵੇਲੇ ਤੋਂ ਕਿ ਮੈਂ ਸਾਂ ਜਦੋਂ ਬੱਚਾ, ਐ ਖ਼ੁਦਾ।7. ਪੈਦਾ ਹੋਇਆ ਮੈਂ ਜਦ ਤੋਂ ਤੂੰ ਏ ਮੈਨੂੰ ਪਾਲਿਆ,
ਤੇ ਮਾਂ ਦੀ ਕੁੱਖੋਂ ਮੈਨੂੰ ਕੱਢ ਲੈ ਆਇਆ, ਐ ਖ਼ੁਦਾ।8. ਤਾਰੀਫ਼ ਤੇਰੀ ਗਾਵਾਂ ਹਮੇਸ਼ਾ ਮੈਂ ਦਿਲ ਦੇ ਨਾਲ,
ਹੈਰਾਨ ਹੋ ਕੇ ਵੇਖਦੇ, ਤੂੰ ਮੇਰੀ ਹੈਂ ਪਨਾਹ।9. ਮੇਰਾ ਮੂੰਹ ਤੇਰੀਆਂ ਸਿਫ਼ਤਾਂ ਕਰੇਗਾ ਸਦਾ ਬਿਆਨ,
ਹਰ ਵੇਲੇ ਤੇਰੇ ਨਾਂ ਦੀ ਗਾਵੇਗਾ ਉਹ ਸਨਾ। -
6. ਉੱਤਰੇਗਾ ਉਹ ਨਾਲ ਆਪਣੇ ਫ਼ਜ਼ਲ ਦੇ,
ਵਧੇ ਹੋਏ ਘਾਹ ਉੱਤੇ ਜਿਉਂ ਮੀਂਹ ਵਰ੍ਹੇ।7. ਜਾਂ ਝੜੀ ਜਿਸ ਤਰ੍ਹਾਂ ਲੱਗ ਕੇ ਸਰ–ਬ–ਸਰ,
ਕਰਦੀ ਹੈ ਸੁੱਕੀ ਜ਼ਮੀਨ ਨੂੰ ਤਰ–ਬ–ਤਰ।8. ਰਾਜ ਵਿੱਚ ਉਹਦੇ ਵਧਣਗੇ ਸਾਦਿਕਾਂ,
ਚੰਨ ਹੈ ਜਦ ਤੀਕਰ ਵਧੇ ਅਮਨ–ਓ–ਅਮਾਨ।9. ਸਭ ਸਮੁੰਦਰ, ਸਾਰੇ ਦਰਿਆ, ਕੁੱਲ ਜ਼ਮੀਨ,
ਰਾਜ ਵਿੱਚ ਆਵਣਗੇ ਉਹਦੇ ਬਿਲਯਾਕੀਨ।10. ਵਹਿਸ਼ੀ ਵੀ ਨੀਵਣਗੇ ਸਭ ਉਹਦੇ ਹਜ਼ੂਰ
ਵੈਰੀ ਉਹਦੇ ਮਿੱਟੀ ਚੱਟਣਗੇ ਜ਼ਰੂਰ।11. ਟਾਪੂਆਂ ਦੇ ਬਾਦਸ਼ਾਹ, ਤਰਸੀਸ ਵੀ,
ਉਹਦੇ ਅੱਗੇ ਹੱਦੀਏ ਚੜ੍ਹਾਣਗੇ ਸਭੀ।12. ਹਾਂ ਸਬਾ ਤੇ ਸੀਬਾ ਦੇ ਵੀ ਬਾਦਸ਼ਾਹ,
ਉਹਦੇ ਅੱਗੇ ਹੱਦੀਏ ਗੁਜ਼ਾਰਨ ਸਦਾ।13. ਬਾਦਸ਼ਾਹ ਨੀਂਵਣਗੇ ਸਭ ਉਹਦੇ ਹਜ਼ੂਰ,
ਸਾਰੇ ਫਿਰਕੇ ਉਹਨੂੰ ਮੰਨਣਗੇ ਜ਼ਰੂਰ। -
15. ਉਹ ਕੌਮ ਹੈ ਧੰਨ, ਪਛਾਣਦੀ ਹੈ
ਜੇ ਤੇਰੀ ਖ਼ੁਸ਼ੀ ਦੀ ਸਦਾ,
ਉਹ ਨੂਰ ਵਿੱਚ ਤੇਰੇ ਚਿਹਰੇ ਦੇ
ਖ਼ੁਸ਼ ਹੋ ਕੇ ਚੱਲਣਗੇ ਸਦਾ।16. ਤੇਰੇ ਹੀ ਨਾਂ ਦੇ ਸਬੱਬ ਰਹਿਣਗੇ
ਤੇ ਖ਼ੁਸ਼ ਉਹ ਸਾਰੇ ਦਿਨ,
ਤੇਰੀ ਸੱਚਿਆਈ ਨਾਲ
ਉਹ ਪਾਉਣਗੇ ਇੱਜ਼ਤ ਸਦਾ।17. ਜ਼ੋਰ ਹੈ ਤੂੰ ਏਂ ਉਹਨਾਂ ਦਾ,
ਤੂੰ ਏਂ ਹੈਂ ਉਹਨਾਂ ਦਾ ਜਲਾਲ,
ਸਿੰਗ ਅਸਾਡੇ ਮਿਹਰ ਨਾਲ
ਤੂੰ ਏਂ ਉੱਚੇ ਕਰੇਂਗਾ।18. ਢਾਲ ਅਸਾਡੀ ਰੱਬ ਤੋਂ ਹੈ
ਉਸੇ ਤੋਂ ਹੈ ਸਾਡੀ ਢਾਲ,
ਸਾਡਾ ਤੇ ਸ਼ਾਹ ਹੈ ਉਹਦੇ ਵੱਲ
ਪਾਕ ਜੋ ਇਸਰਾਏਲ ਦਾ। -
12. ਉਹ ਧੰਨ ਹੈ ਤੇਰੇ ਹੱਥੋਂ ਜੋ ਪਾਂਦਾ ਹੈ ਸਜ਼ਾ,
ਸਿਖਾਉਂਦਾ ਆਪਣੀ ਸ਼ਰ੍ਹਾ ਤੂੰ ਜਿਸ ਨੂੰ, ਐ ਖ਼ੁਦਾ।13. ਤੂੰ ਉਹਨੂੰ ਉਹਦੇ ਦੁੱਖ ਵਿੱਚ ਆਰਾਮ ਨਾਲ ਰੱਖੇਂਗਾ,
ਜਦ ਤੀਕਰ ਟੋਆ ਬੁਰਿਆਂ ਦਾ ਨਾ ਪੁੱਟਿਆ ਜਾਵੇਗਾ।14. ਖ਼ੁਦਾਵੰਦ ਆਪਣੇ ਬੰਦਿਆਂ ਨੂੰ ਨਾ ਛੱਡਦਾ ਕਦੀ ਵੀ,
ਤੇ ਜੋ ਕੁਝ ਉਹਦੀ ਹੈ ਮਿਰਾਸ ਨਾ ਭੁੱਲਦਾ ਕਦੀ ਵੀ।15. ਕਿ ਵੇਖ ਅਦਾਲਤ ਆਵੇਗੀ ਹੁਣ ਕੋਲ ਸੱਚਿਆਈ ਦੇ,
ਤੇ ਉਹ ਦੇ ਪਿੱਛੇ-ਪਿੱਛੇ ਹੀ ਸਾਫ਼-ਦਿਲ ਲੋਕ ਚੱਲਣਗੇ। -
16. ਉਹ ਕਿਹੜਾ ਹੈ ਜੋ ਮੇਰੇ ਲਈ ਲੱਕ ਨੂੰ ਬੰਨ੍ਹੇਗਾ,
ਬਦਕਾਰਾਂ ਦੇ ਖਿਲਾਫ ਲੜਾਈ ਨੂੰ ਉੱਠੇਗਾ?17. ਜਾ ਰਹਿੰਦੀ ਮੇਰੀ ਜਾਨ ਚਿਰਾਂ ਦੀ ਖਾਮੋਸ਼ੀ ਵਿੱਚ,
ਜੇ ਮੇਰੀ ਮਦਦ ਉੱਤੇ ਨਾ ਹੁੰਦਾ ਮੇਰਾ ਖ਼ੁਦਾ।18. ਜਦ ਬੋਲਿਆ ਕਿ, ਹਾਏ ਮੈਂ ਡਿੱਗਾ! ਮੈਂ ਡਿੱਗ ਪਿਆ!
ਰਹਿਮਤ ਤੇਰੀ ਨੇ ਮੈਨੂੰ, ਖ਼ੁਦਾਇਆ, ਸੰਭਾਲਿਆ।19. ਭਰ ਜਾਂਦਾ ਮੇਰਾ ਦਿਲ ਜਦੋਂ ਫਿਕਰਾਂ ਤੇ ਸੋਚਾਂ ਨਾਲ,
ਤੇਰੀਆਂ ਤਸੱਲੀਆਂ ਮੈਨੂੰ ਖ਼ੁਸ਼ ਕਰਦੀਆਂ ਸਦਾ।20. ਬੁਰਿਆਈ ਦੇ ਹੈ ਤਖ਼ਤ ਦਾ ਕੀ ਤੇਰੇ ਨਾਲ ਮੇਲ?
ਕਾਨੂੰਨ ਉਹ ਬਣਾਉਂਦਾ ਹੈ ਨੁਕਸਾਨਾਂ ਦੇ ਸਦਾ।21. ਸਾਦਿਕ ਦੀ ਜਾਨ ਲੈਣ ਨੂੰ ਕਰਦੇ ਨੇ ਉਹ ਇਕੱਠ,
ਉਹ ਦੇਂਦੇ ਬੇਗ਼ੁਨਾਹ ਉੱਤੇ ਵੀ ਫ਼ਤਵਾ ਕਤਲ ਦਾ।22. ਪਰ ਮੇਰਾ ਬੁਰਜ ਰੱਬ ਹੈ, ਪਨਾਹ ਮੇਰੀ ਦੀ ਚਟਾਨ,
ਬਦਕਾਰੀ ਉਹਨਾਂ ਦੇ ਉੱਤੇ ਉਹ ਆਪੇ ਉਲਟੇਗਾ।23. ਬੁਰਿਆਈ ਆਪਣੀ ਨਾਲ ਉਹ ਸਭ ਨਾਸ਼ ਹੋਵਣਗੇ,
ਹਾਂ, ਰੱਬ ਅਸਾਡਾ ਉਹਨਾਂ ਨੂੰ ਕਰੇਗਾ ਫ਼ਨਾਹ। -
ਉੱਠਿਆ ਕਬਰ ’ਚੋਂ ਯਿਸੂ,
ਖ਼ੁਸ਼ੀਆਂ ਮਨਾਓ ਸਾਰੇ,
ਕਰੀਏ ਬੁਲੰਦ ਰਲਕੇ,
ਹਾਲੇਲੂਯਾਹ ਦੇ ਨਾਅਰੇ।1. ਰੱਖਿਆ ਕਬਰ ਦੇ ਅੰਦਰ,
ਪੱਥਰ ਉੱਤੇ ਧਰਿਆ,
ਪਹਿਰੇ ਯਹੂਦੀਆਂ ਨੇ,
ਗਿਰਦੇ ਕਬਰ ਖਿਲਾਰੇ।2. ਹਟਿਆ ਕਬਰ ਤੋਂ ਪੱਥਰ,
ਜ਼ਿੰਦਾ ਹੋਇਆ ਮਸੀਹਾ,
ਉਸ ਕੋਲ ਆਪਣੇ ਵਾਂਗੂੰ,
ਅੱਜ ਤੀਸਰੇ ਦਿਹਾੜੇ।3. ਖ਼ੁਸ਼ਆਮਦੀਦ ਆਖਣ,
ਬਰਜ਼ਖ਼ ਦੇ ਰਹਿਣ ਵਾਲੇ,
ਦੁਨੀਆ ਦੇ ਰਹਿਣ ਵਾਲੇ,
ਖ਼ੁਸ਼ੀਆਂ ਮਨਾਉਣ ਸਾਰੇ।4. ਕੀਤੀ ਖ਼ੁਦਾਈ ਸਾਬਤ,
ਹੋ ਕੇ ਮਸੀਹ ਨੇ ਜ਼ਿੰਦਾ,
ਦਿਲ ਹੈ ਨਹੀਂ ਜੋ ਅੱਜ ਨਾ,
ਪਿਸਰੇ ਖ਼ੁਦਾ ਪੁਕਾਰੇ।5. ਕਿਉਂ ਨਾ ਖ਼ੁਸ਼ੀ ਦੇ ਨਾਅਰੇ,
ਸਾਡੀ ਜ਼ੁਬਾਨੋਂ ਨਿਕਲਣ,
ਆਓ ਦਿਲ ਮਸੀਹ ਨੂੰ ਦੇਈਏ,
ਜਾ ਕੇ ਉਹਦੇ ਦੁਆਰੇ। -
ਉਹ ਮਾਂ ਹੈ ਪਿਆਰੀ ਉਹ ਸਭ ਤੋਂ ਨਿਆਰੀ,
ਜਿਹਨੂੰ ਲੋਕ ਕਹਿੰਦੇ ਨੇ ਮਰੀਅਮ ਕੁਆਰੀ।1. ਉਹਦੇ ਨਾਂ ਦਾ ਚਰਚਾ ਹੈ ਸਾਰੇ ਜਹਾਨ ’ਤੇ,
ਉਹ ਕਬਰੋਂ ਉਠਾਈ ਗਈ, ਗਈ ਅਸਮਾਨ ’ਤੇ।
ਕਿਉਂ ਜੋ ਯਿਸੂ ਨੂੰ ਉਹ ਸਭ ਤੋਂ ਹੈ ਪਿਆਰੀ,
ਜਿਹਨੂੰ ਲੋਕ ਕਹਿੰਦੇ ਨੇ ਮਰੀਅਮ ਕੁਆਰੀ।2. ਤੇ ਰੱਬ ਉਹਨੂੰ ਅਰਸ਼ਾਂ ਦੀ ਰਾਣੀ ਬਣਾਇਆ,
ਤੇ ਤਾਜ ਨੂਰਾਨੀ ਉਹਦੇ ਸਿਰ ’ਤੇ ਸਜਾਇਆ।
ਧੰਨ–ਧੰਨ ਉਹਨੂੰ ਕਹਿੰਦੀ ਦੁਨੀਆ ਸਾਰੀ,
ਜਿਹਨੂੰ ਲੋਕ ਕਹਿੰਦੇ ਨੇ ਮਰੀਅਮ ਕੁਆਰੀ।3. ਇਹਦੇ ਦਰ ਦੇ ਮੰਗਤੇ ਨੇ ਲੱਖਾਂ ਕਰੋੜਾਂ,
ਇਹਦੇ ਨਾਲ ਰਹਿਣ ਸਾਨੂੰ ਨਿੱਤ ਦੀਆਂ ਲੋੜਾਂ।
ਹਰ ਇੱਕ ਹੋ ਜਾਵੇ, ਇਸੇ ਦਾ ਪੁਜਾਰੀ,
ਜਿਹਨੂੰ ਲੋਕ ਕਹਿੰਦੇ ਨੇ ਮਰੀਅਮ ਕੁਆਰੀ। -
ਉਹਦੇ ਫ਼ਜ਼ਲ ਦੀਆਂ ਹੋਣੀਆਂ ਬਾਰਿਸ਼ਾਂ,
ਰੱਬ ਸੁਣ ਲਈਆਂ ਮੇਰੀਆਂ ਗੁਜ਼ਾਰਿਸ਼ਾਂ।1. ਮੇਰੇ ਸ਼ਾਫ਼ੀ ਤੋਂ ਮੈਨੂੰ ਸ਼ਿਫ਼ਾ ਮਿਲ ਗਈ,
ਹਰ ਗ਼ਮ ਦੀ ਮੈਨੂੰ ਦਵਾ ਮਿਲ ਗਈ,
ਉਹਨੇ ਮੰਨ ਲਈਆਂ ਮੇਰੀਆਂ ਸਿਫ਼ਾਰਿਸ਼ਾਂ।2. ਉਹਦੇ ਪਿਆਰ ਵਿੱਚ ਮੈਂ ਮਖਮੂਰ ਹੋ ਗਿਆ,
ਪਾ ਕੇ ਨੂਰ ਇਲਾਹੀ ਨੂਰੋ ਨੂਰ ਹੋ ਗਿਆ,
ਮੇਰੇ ਸਿਰ ਉੱਤੇ ਉਹਦੀਆਂ ਨਿਵਾਜ਼ਿਸ਼ਾਂ।3. ਮੇਰੇ ਦਿਲ ਦੀ ਜ਼ਮੀਨ ਆਬਾਦ ਹੋ ਗਈ,
ਪਿਆਸੀ ਰੂਹ ਸੀ ਮੇਰੀ ਸ਼ਾਹਬਾਦ ਹੋ ਗਈ,
ਛਮ ਛਮ ਬਰਸੀਆਂ ਆਸ਼ੀਸ਼ਾ। -
ਉਦੋਂ ਨੱਚਣਾ ਕਮਾਲ ਹੋਵੇਗਾ,
ਜਦੋਂ ਯਿਸੂ ਦਾ ਜਲਾਲ ਹੋਵੇਗਾ।1. ਗੀਤ ਖ਼ੁਸ਼ੀਆਂ ਦੇ ਸਦਾ, ਉੱਥੇ ਗਾਉਂਦੇ ਰਹਾਂਗੇ,
ਰੂਹ ਦੀ ਮੈਅ ਪੀ ਕੇ, ਲੁੱਡੀਆਂ ਧਮਾਲਾਂ ਪਾਵਾਂਗੇ,
ਫਿਰ ਸਾਜ਼ਾਂ ਵਿੱਚ ਉਹਦਾ, ਸੁਰ-ਤਾਲ ਹੋਵੇਗਾ।2. ਫਿਰ ਸੋਨੇ ਦੀਆਂ ਸੜਕਾਂ ’ਤੇ ਅਸੀਂ ਫਿਰਾਂਗੇ,
ਦਿਲ ਯਿਸੂ ਦੇ ਪਿਆਰ ਨਾਲ, ਅਸੀਂ ਭਰਾਂਗੇ,
ਰੂਹ-ਏ-ਪਾਕ ਸਦਾ ਉੱਥੇ, ਸਾਡੇ ਨਾਲ ਹੋਵੇਗਾ।3. ਉੱਥੇ ਜਾਣਾ ਉਹਨਾਂ ਜਿਹੜੇ ਰੂਹ ਦੇ ਨਾਲ ਭਰਦੇ,
ਰੂਹ ਦੇ ਮੱਸਾਹ ਨਾਲ ਅਮਲਾਂ ਨੂੰ ਚੰਗਾ ਕਰਦੇ,
ਕਰ ਤੌਬਾ ਤੇਰਾ ਅਬਦੀ, ਮੁਕਾਮ ਹੋਵੇਗਾ। -
ਉੱਠ ਕੇ ਸਵੇਰੇ ਯਿਸੂ ਗੁਣ ਗਾਵਾਂ ਤੇਰੇ,
ਤੂੰ ਚੜ੍ਹ ਕੇ ਸਲੀਬ ਉੱਤੇ ਪਾਪ ਚੁੱਕੇ ਮੇਰੇ।1. ਦੁਨੀਆ ਬਚਾਉਣ ਯਿਸੂ ਆਇਆ ਜੱਗ ’ਤੇ,
ਆਣ ਕੇ ਮਿਟਾਏ ਉਸਨੇ ਪਾਪ ਸਭਦੇ,
ਕੰਮ ਤੇਰੇ ਸ਼ਾਫ਼ੀਆ ਮੈਂ ਦੱਸਾਂ ਕਿਹੜੇ–ਕਿਹੜੇ,
ਤੂੰ ਚੜ੍ਹ ਕੇ…।2. ਬਾਰ੍ਹਾਂ–ਬਾਰ੍ਹਾਂ ਸਾਲ ਦੇ ਬਿਮਾਰ ਆਉਂਦੇ ਨੇ,
ਪੱਲਾ ਤੇਰਾ ਛੂਹ ਕੇ ਉਹ ਸ਼ਿਫ਼ਾ ਪਾਉਂਦੇ ਨੇ,
ਹੋਰ ਮੇਰੇ ਸ਼ਾਫ਼ੀਆ ਮੈਂ ਗੁਣ ਗਾਵਾਂ ਤੇਰੇ,
ਤੂੰ ਚੜ੍ਹ ਕੇ…।3. ਚਾਰ–ਚਾਰ ਦਿਨ ਦੇ ਜਵਾਏ ਮੁਰਦੇ,
ਪਾਣੀ ਉੱਤੇ ਦੇਖੇ ਤੇਰੇ ਚੇਲੇ ਤੁਰਦੇ,
ਰੋਜ਼ ਮੇਰੇ ਸ਼ਾਫ਼ੀਆ ਮੈਂ ਗੁਣ ਗਾਵਾਂ ਤੇਰੇ,
ਤੂੰ ਚੜ੍ਹ ਕੇ…। -
ਉੱਠਦੇ ਬਹਿੰਦੇ ਸ਼ਾਮ ਸਵੇਰੇ, ਰੱਬ ਦਾ ਨਾਂ ਧਿਆਉਂਦੇ,
ਬਖ਼ਸ਼ ਗੁਨਾਹ ਸਭ ਮੇਰੇ, ਤੈਨੂੰ ਬਖ਼ਸ਼ਣਹਾਰਾ ਕਹਿੰਦੇ।
ਹਾਲੇਲੂਯਾਹ, ਹਾਲੇਲੂਯਾਹ, ਹਾਲੇਲੂਯਾਹ, ਹਾਲੇਲੂਯਾਹ।1. ਤੌਬਾ ਕਰਕੇ ਲੈ ਬਪਤਿਸਮਾ,
ਮੰਨ ਯਿਸੂ ਦਾ ਕਹਿਣਾ,
ਬੀਤਿਆ ਵੇਲਾ ਹੱਥ ਨਹੀਂ ਆਉਣਾ,
ਫੇਰ ਪਉ ਪਛਤਾਉਣਾ।
ਪੰਜ ਕੁਆਰੀਆਂ ਵਾਂਗੂੰ ਜਾ ਕੇ,
ਲਾੜਾ-ਲਾੜਾ ਕਹਿੰਦੇ,
ਬਖ਼ਸ਼ ਗੁਨਾਹ ਸਭ ਮੇਰੇ,
ਤੈਨੂੰ ਬਖ਼ਸ਼ਣਹਾਰਾ ਕਹਿੰਦੇ।
ਹਾਲੇਲੂਯਾਹ, ਹਾਲੇਲੂਯਾਹ,
ਹਾਲੇਲੂਯਾਹ, ਹਾਲੇਲੂਯਾਹ।2. ਚਾਰ ਦਿਨਾਂ ਦੇ ਮੁਰਦੇ ਉੱਠਕੇ,
ਉਸਦਾ ਦਰਸ਼ਣ ਪਾਉਂਦੇ,
ਜੀਵਨ ਦਿੰਦਾ, ਯਿਸੂ ਰਾਜਾ,
ਜਾ ਕੇ ਸਭ ਨੂੰ ਕਹਿੰਦੇ।
ਜੱਕੀ ਵਰਗੇ ਚੜ੍ਹ ਗੂਲਰ ’ਤੇ,
ਉਸਦਾ ਦਰਸ਼ਣ ਪਾਉਂਦੇ,
ਬਖ਼ਸ਼ ਗੁਨਾਹ ਸਭ ਮੇਰੇ,
ਤੈਨੂੰ ਬਖ਼ਸ਼ਣਹਾਰਾ ਕਹਿੰਦੇ।
ਹਾਲੇਲੂਯਾਹ, ਹਾਲੇਲੂਯਾਹ,
ਹਾਲੇਲੂਯਾਹ, ਹਾਲੇਲੂਯਾਹ।3. ਯੌਨਾਹ ਰੱਬ ਦਾ ਹੁਕਮ ਨਾ ਮੰਨਿਆ,
ਦੱਸ ਕੀ ਖੱਟੀ ਖੱਟੀ,
ਸੁੱਟਿਆ ਜਦੋਂ ਜਹਾਜ਼ੋਂ ਥੱਲੇ,
ਨਿਗਲ ਗਈ ਇੱਕ ਵੱਡੀ ਮੱਛੀ।
ਜੋ ਨਾ ਰਬ ਦੇ ਹੁਕਮ ਨੂੰ ਮੰਨਦੇ,
ਜਾ ਨਰਕਾਂ ਵਿੱਚ ਪੈਂਦੇ,
ਬਖ਼ਸ਼ ਗੁਨਾਹ ਸਭ ਮੇਰੇ,
ਤੈਨੂੰ ਬਖ਼ਸ਼ਣਹਾਰਾ ਕਹਿੰਦੇ।
ਹਾਲੇਲੂਯਾਹ, ਹਾਲੇਲੂਯਾਹ,
ਹਾਲੇਲੂਯਾਹ, ਹਾਲੇਲੂਯਾਹ। -
ਓ ਬਦਲ ਗਿਆ, ਓ ਬਦਲ ਗਿਆ,
ਮੇਰਾ ਜੀਵਨ ਬਦਲ ਗਿਆ,
ਬਦਲ ਗਿਆ, ਬਦਲ ਗਿਆ,
ਮੇਰਾ ਸਾਰਾ ਜੀਵਨ ਬਦਲ ਗਿਆ,
ਰੂਹ-ਏ-ਪਾਕ ਦੀ ਸੰਗਤ ਦੇ ਨਾਲ,
ਉੱਠਣਾ ਬਹਿਣਾ ਬਦਲ ਗਿਆ।1. ਇੱਕ ਇੱਕ ਬੂੰਦ ਦੇ ਵਿੱਚ ਨੇ ਵੇਖੋ ਸਾਹ ਲੁਕਿਆ,
ਕੀਤਾ ਜੋ ਕਬੂਲ ਤੇ ਕਾਲੀਆਂ ਰਾਤਾਂ ਮੁੱਕੀਆਂ,
ਦਿਲ ਦੇ ਵਿੱਚ ਹੁਣ ਵੱਸਦਾ ਵੇਖੋ,
ਦਿਲ ਦੀ ਧੜਕਣ ਬਦਲ ਗਿਆ।2. ਉਹਦੇ ਪਾਕ ਲਹੂ ਦੇ ਨਾਲ ਮਿਲੀਆਂ ਸ਼ਿਫ਼ਾਵਾਂ,
ਲਹੂ ਦੀ ਕੁਰਬਾਨੀ ਦੇ ਨਾਲ ਮਿਟੀਆਂ ਖ਼ਤਾਵਾਂ,
ਤੌਬਾ ਜਦੋਂ ਦੀ ਕੀਤੀ ਮੇਰਾ,
ਸਾਰਾ ਤਨ ਮਨ ਬਦਲ ਗਿਆ।
