ਨ
22 Tracks-
10. ਨਾ ਮੈਥੋਂ ਦੂਰ ਰਹੀਂ ਕਿ ਤੰਗੀ ਆਈ ਛੇਤੀ,
ਤੇ ਮਦਦ ਕਰਨੇ ਵਾਲਾ ਹੈ ਨਾ ਕੋਈ ਹੈ ਰੱਬ ਸਾਥੀ।11. ਬਲਦਾਂ ਨੇ ਮੈਨੂੰ ਘੇਰਿਆ ਹਰ ਤਰਫ਼ੋਂ ਐ ਅਲਕਾਦਿਰ,
ਬਾਸ਼ਾਨ ਦੇ ਬਲਦਾਂ ਨੇ ਮੈਨੂੰ ਵਿੱਚ ਮੌਤ ਦੇ ਘੇਰ ਲਿਆ ਹੈ।12. ਜਿਵੇਂ ਜੰਗਲੀ ਸ਼ੇਰ ਫਾੜ ਦੇਂਦਾ ਹੈ ਗੂੰਜਦਾ ਤੇ ਘੂਰਾਉਂਦਾ,
ਉਵੇਂ ਹੀ ਮੂੰਹ ਪਾੜ ਕੇ ਉਹ ਮੈਨੂੰ ਫੜ੍ਹਨਾ ਚਾਹੁੰਦਾ।13. ਜੋੜ-ਜੋੜ ਮੇਰਾ ਅਲੱਗ ਹੈ ਜਿਵੇਂ ਪਾਣੀ ਵਹਿੰਦਾ ਜਾਂਦਾ,
ਦਿਲ ਮੇਰਾ ਮੋਮ ਦੇ ਮਾਨਿਦ, ਵਿੱਚ ਮੇਰੇ ਪਿਘਲਦਾ ਜਾਂਦਾ।14. ਤਾਲੂ ਨਾਲ ਹੈ ਜੀਭ ਲੱਗੀ ਜ਼ੋਰ ਮੇਰਾ ਹੈ ਸੁੱਕਦਾ ਜਾਦਾਂ,
ਮੌਤ ਦੀ ਖ਼ਾਕ ਵਿੱਚ ਮੈਨੂੰ, ਯਾ ਰੱਬ ਤੂੰ ਬਠਾਂਦਾ।15. ਕੁੱਤਿਆਂ ਨੇ ਮੈਨੂੰ ਘੇਰਿਆ ਤੇ ਬਦਕਾਰ ਵੀ ਮੈਨੂੰ ਘੇਰਦੇ,
ਤੇ ਆਪਸ ਵਿੱਚ ਮਿਲ ਕੇ ਸਭ ਹੱਥ ਪੈਰ ਨੇ ਮੇਰੇ ਛੇਦਦੇ।16. ਮੈ ਹੱਡੀਆਂ ਗਿਣ ਸਕਦਾਂ, ਉਹ ਮੈਨੂੰ ਘੂਰਦੇ ਰਹਿੰਦੇ,
ਤੇ ਗੁਣੇ ਪਾ ਕੇ ਆਪਸ ਵਿੱਚ ਉਹ ਮੇਰੇ ਕੱਪੜੇ ਵੰਡਦੇ।17. ਯਾ ਰੱਬ, ਤੂੰ ਦੂਰ ਨਾ ਰਹਿ ਹੁਣ ਕਰ ਮਦਦ ਤੂੰ ਮੇਰੀ ਜਲਦੀ,
ਆਪਣਾ ਵਾਹਦ ਬਚਾ ਲੈ, ਤੇ ਤਲਵਾਰ ਤੋਂ ਜਾਨ ਮੇਰੀ ।18. ਬੱਬਰ ਦੇ ਮੂੰਹ ’ਚੋਂ ਮੈਨੂੰ ਖ਼ੁਦਾਇਆ, ਦੇ ਰਿਹਾਈ,
ਬਲਦਾਂ ਦੇ ਸਿੰਗਾਂ ਤੋਂ ਤੂੰ, ਜਾਨ ਮੇਰੀ ਹੈ ਬਚਾਈ। -
1. ਨਿਆਂ ਕਰ ਮੇਰਾ, ਐ ਖ਼ੁਦਾ,
ਮੈਂ ਤੁਰਿਆ ਆਪਣੇ ਸਿੱਧੇ ਰਾਹ,
ਹੈ ਮੇਰੀ ਆਸ ਖ਼ੁਦਾਵੰਦ ਉੱਤੇ,
ਨਾ ਡੋਲਣ ਦਾ ਹੈ ਮੈਨੂੰ ਡਰ।2. ਮੈਨੂੰ ਅਜ਼ਮਾ, ਐ ਰੱਬ ਰਹਿਮਾਨ,
ਤੇ ਕਰ ਤੂੰ ਮੇਰਾ ਇਮਤਿਹਾਨ,
ਤੂੰ ਬੇਸ਼ੱਕ ਮੇਰੇ ਗੁਰਦੇ ਤਾਅ,
ਤੇ ਮੇਰੇ ਦਿਲ ਨੂੰ ਵੀ ਅਜ਼ਮਾ।3. ਕਿ ਰਹਿਮਤ ਤੇਰੀ ਜ਼ਾਹਿਰ ਹੈ,
ਉਹ ਹੱਦ ਹਿਸਾਬੋਂ ਬਾਹਰ ਹੈ,
ਜੋ ਸਿੱਧਾ ਸਾਫ਼ ਹੈ ਤੇਰਾ ਰਾਹ,
ਮੈਂ ਉਸ ਉੱਤੇ ਤੁਰਿਆ ਐ ਖ਼ੁਦਾ।4. ਨਾ ਝੂਠਿਆਂ ਦੇ ਨਾਲ ਬਹਿਨਾਂ ਹਾਂ,
ਨਾ ਨਾਲ ਮਕਾਰਾਂ ਮਿਲਦਾ ਹਾਂ,
ਮੈਂ ਦੁਸ਼ਮਣ ਹਾਂ ਬਦਕਾਰਾਂ ਦਾ,
ਸ਼ਰੀਰਾਂ ਨਾਲ ਨਾ ਬੈਠਾਂਗਾ।5. ਬੇਐਬੀ ਵਿੱਚ, ਖ਼ੁਦਾਵੰਦਾ,
ਮੈਂ ਆਪਣੇ ਹੱਥ ਖੂਬ ਧੋਵਾਂਗਾ,
ਤਦ ਕਰਾਂਗਾ ਦਿਲ ਕਰਕੇ ਸਾਫ਼,
ਮੈਂ ਤੇਰੇ ਮਜ਼ਬੇ ਦਾ ਤੁਆਫ।6. ਕਿ ਤਾਂ ਉਠਾਵਾਂ, ਐ ਖ਼ੁਦਾ,
ਸਿਤਾਇਸ਼ ਤੇਰੀ ਦੀ ਸਦਾ,
ਤੇ ਤੇਰੇ ਜੋ ਅਜੂਬਾ ਕੰਮ,
ਮੈਂ ਕਰਾਂਗਾ ਬਿਆਨ ਤਮਾਮ।7. ਖ਼ੁਦਾਵੰਦ ਮੇਰੇ, ਐ ਖ਼ੁਦਾ,
ਜੋ ਥਾਂ ਹੈ ਤੇਰੇ ਰਹਿਣੇ ਦਾ,
ਹਾਂ ਤੇਰਾ ਘਰ, ਜੋ ਪੁਰ ਜਲਾਲ,
ਖ਼ੁਸ਼ ਆਇਆ ਮੈਨੂੰ ਉਹ ਕਮਾਲ।8. ਬਦਕਾਰ ਤੇ ਖ਼ੂਨੀ ਨਾਲ, ਖ਼ੁਦਾ,
ਤੂੰ ਮੇਰੀ ਜਾਨ ਨੂੰ ਨਾ ਮਿਲਾ,
ਹੱਥ ਭਰਿਆ ਨਾਲ ਬੁਰਿਆਈ ਦੇ,
ਹਾਂ ਸੱਜੇ ਹੱਥ ਨਾਲ ਵੱਢ੍ਹੀ ਦੇ ।9. ਪਰ ਮੈਂ ਜੋ ਹਾਂ ਸੋ, ਐ ਖ਼ੁਦਾ,
ਰਾਹ ਸਿੱਧੇ ਆਪਣੇ ਤੁਰਾਂਗਾ,
ਤੂੰ ਮੈਨੂੰ ਆਪ ਖ਼ਲਾਸੀ ਦੇ,
ਕਰ ਰਹਿਮਤ ਆਪਣੇ ਬੰਦੇ ’ਤੇ।10. ਜੋ ਜਗ੍ਹਾ ਸਾਫ਼ ਬਰਾਬਰ ਹੈ,
ਪੈਰ ਮੇਰਾ ਕਾਇਮ ਉਸ ਉੱਤੇ ਹੈ,
ਮੈਂ ਮਜਲਿਸਾਂ ਵਿੱਚ ਗਾਵਾਂਗਾ,
ਮੁਬਾਰਿਕ ਹੈ ਤੂੰ, ਐ ਖ਼ੁਦਾ। -
7. ਨਾਹੱਕ ਮੇਰੇ ਵਾਸਤੇ, ਆਪਣਾ ਜਾਲ ਵਿਛਾਉਂਦੇ,
ਘਰ ਵਿੱਚ ਮੇਰੀ ਜਾਨ ਨੂੰ, ਉਹ ਡਿਗਾਣਾ ਚਾਹੁੰਦੇ।8. ਸਭ ਬਦਕਾਰ ਨਾਸ਼ ਹੋਵਣ, ਦੁੱਖ ਅਚਾਨਕ ਆਵੇ,
ਉਸੇ ਜਾਲ ਵਿੱਚ ਫਸੇ, ਜਿਹੜਾ ਆਪ ਵਿਛਾਵੇ।9. ਰੱਬ ਦੇ ਵਿੱਚ ਜਾਨ ਮੇਰੀ, ਖ਼ੁਸ਼ੀਆਂ ਨਿੱਤ ਮਨਾਵੇ,
ਰੱਬ ਬਚਾਇਆ ਮੈਨੂੰ, ਗੀਤ ਖ਼ੁਸ਼ੀ ਦੇ ਗਾਵੇ।10. ਮੇਰੀ ਹੱਡੀਆਂ ਵਿੱਚੋਂ, ਗੀਤ ਸੁਣਾਈ ਦਿੰਦਾ,
ਯਾ ਰੱਬ, ਪਾਕ ਅਸਾਡੇ, ਕੌਣ ਹੈ ਤੇਰੇ ਜਿਹਾ।11. ਜ਼ੋਰਾਵਰ ਦੇ ਹੱਥੋਂ, ਦੁੱਖਾਂ ਨੂੰ ਛੁਡਾਉਂਦਾ,
ਤੂੰ ਬੁਰਿਆਂ ਦੇ ਹੱਥੋਂ, ਆਜਿਜ਼ ਨੂੰ ਬਚਾਉਂਦਾ। -
6. ਨਾ ਚੜ੍ਹਦੇ, ਲਹਿੰਦੇ, ਦੱਖਣ ਤੋਂ ਇਕਬਾਲ ਕੁਝ ਆਉਂਦਾ ਹੈ,
ਪਰ ਆਪ ਖ਼ੁਦਾਵੰਦ ਸੱਚ ਦੇ ਨਾਲ ਇਨਸਾਫ਼ ਮੁਕਾਉਂਦਾ ਹੈ।7. ਉਹ ਇੱਕ ਨੂੰ ਆਜਿਜ਼ ਕਰਦਾ ਹੈ, ਇੱਕ ਨੂੰ ਵਧਾਂਦਾ ਹੈ,
ਉਹ ਲਾਲ ਸ਼ਰਾਬ ਪਿਆਲੇ ਵਿੱਚ, ਉਂਡੇਲ ਕੇ ਪਾਂਦਾ ਹੈ।8. ਮਸਾਲਾ ਉਸ ਵਿੱਚ ਡਾਢਾ ਹੈ, ਉਹ ਹੈ ਮਸਾਲੇਦਾਰ,
ਨਚੋੜਨ ਉਹਦੀ ਪੀਵਣਗੇ, ਸਭ ਦੁਨੀਆ ਦੇ ਬਦਕਾਰ।9. ਪਰ ਮੈਂ ਸੁਣਾਵਾਂ ਕਰਾਂਗਾ ਇਹੋ ਬਿਆਨ ਸਦਾ,
ਯਾਕੂਬ ਦੇ ਰੱਬ ਦੀਆਂ ਸਿਫ਼ਤਾਂ ਹੁਣ ਹਰ ਰੋਜ਼ ਮੈਂ ਗਾਵਾਂਗਾ।10. ਕੱਟ ਸੁੱਟਾਂਗਾ ਮੈਂ ਸਾਰੇ ਸਿੰਗ ਸ਼ਰੀਰ ਬਦਕਾਰਾਂ ਦੇ,
ਪਰ ਸਿੰਗ ਵਧਾਏ ਜਾਵਣਗੇ ਹਾਂ ਸਭ ਸੱਚਿਆਰਾਂ ਦੇ। -
40. ਨਾ ਇਸਰਾਏਲ ਨੇ ਉਹ ਕੌਮਾਂ ਕੀਤੀਆਂ ਬਰਬਾਦ,
ਜਿਨ੍ਹਾਂ ਦੇ ਲਈ ਖ਼ੁਦਾਵੰਦ ਵੀ ਹੋਇਆ ਸੀ ਇਰਸ਼ਾਦ।41. ਸਗੋਂ ਤੇ ਰੱਖਿਆ ਸੀ ਮੇਲ ਉਹਨਾਂ ਗ਼ੈਰ–ਕੌਮਾਂ ਨਾਲ,
ਤੇ ਸਿੱਖੇ ਉਹਨਾਂ ਦੇ ਕੰਮ ਨਾਲੇ ਪੂਜੇ ਬੁੱਤ ਤੇ ਬਾਲ।42. ਇਹ ਬੁੱਤਪ੍ਰਸਤੀ ਤੇ ਉਹਨਾਂ ਦੇ ਲਈ ਫੰਦਾ ਹੋਈ,
ਤੇ ਬੇਟੇ–ਬੇਟੀਆਂ ਉਹਨਾਂ ਚੜ੍ਹਾਏ ਕੁਰਬਾਨੀ।43. ਕਿ ਖੂਨ ਕੀਤਾ ਸੀ ਉਹਨਾਂ ਨੇ ਬੇ–ਗ਼ੁਨਾਹਾਂ ਦਾ,
ਬੁੱਤਾਂ ਦੇ ਅੱਗੇ ਜਦੋਂ ਬੱਚਿਆਂ ਨੂੰ ਜ਼ਬਾਹ ਕੀਤਾ।44. ਚੜ੍ਹਾਏ ਬੱਚੇ ਜੋ ਕਨਾਨ ਦੇ ਬੁੱਤਾਂ ਅੱਗੇ,
ਜ਼ਮੀਨ ਹੋ ਗਈ ਨਾਪਾਕ ਨਾਲ ਲਹੂ ਦੇ।45. ਅਜਿਹਾ ਕੰਮਾਂ ਤੋਂ ਨਾਪਾਕ ਠਹਿਰੇ ਅਤਿ ਲਾਚਾਰ,
ਕਿ ਆਪਣੀਆਂ ਭੈੜੀਆਂ ਕਰਤੂਤਾਂ ਤੋਂ ਹੋਏ ਬਦਕਾਰ।46. ਖ਼ੁਦਾ ਦਾ ਗੁੱਸਾ ਤਦੋਂ ਉਹਨਾਂ ਉੱਤੇ ਭੜਕਿਆ ਸੀ,
ਕਿ ਨਫ਼ਰਤ ਓਸ ਨੇ ਮਿਰਾਸ ਆਪਣੀ ਤੋਂ ਕੀਤੀ।47. ਸੋ ਕੀਤਾ ਉਹਨਾਂ ਨੂੰ ਗ਼ੈਰਾਂ ਦੇ ਕਬਜ਼ੇ ਵਿੱਚ ਰੱਬ ਨੇ,
ਤੇ ਮਾਲਿਕ ਉਹਨਾਂ ’ਤੇ ਵੀ ਹੋਏ ਵੈਰੀ ਉਹਨਾਂ ਦੇ।48. ਸੋ ਦੁਸ਼ਮਣਾਂ ਨੇ ਬਹੁਤ ਉਹਨਾਂ ਨੂੰ ਸਤਾਇਆ ਸੀ,
ਸੋ ਆਜਿਜ਼ ਹੋ ਕੇ ਉਹਨਾਂ ਮੰਨੀ ਉਹਨਾਂ ਦੀ ਮਰਜ਼ੀ।49. ਛੁਡਾਏ ਸਨ ਖ਼ੁਦਾਵੰਦ ਨੇ ਉਹ ਕਈ ਵਾਰੀ,
ਪਰ ਉਹਨਾਂ ਦਿੱਤੀ ਖ਼ੁਦਾਵੰਦ ਨੂੰ ਅਤਿ ਅਵਾਜਾਰੀ।50. ਸਲਾਹਾਂ ਉਹਨਾਂ ਦੀਆਂ ਤੋਂ ਨਾਰਾਜ਼ ਹੋਇਆ ਰੱਬ,
ਸੋ ਨੀਚ ਕੀਤੇ ਗਏ ਆਪਣੀ ਹੀ ਬਦੀ ਦੇ ਸਬੱਬ।51. ਜਦੋਂ ਉਹ ਮੁੜਕੇ ਖ਼ੁਦਾਵੰਦ ਦੇ ਅੱਗੇ ਚਿੱਲਾਏ,
ਤੇ ਨਜ਼ਰ ਮਿਹਰ ਦੀ ਤਦ ਓਸ ਨੇ ਕੀਤੀ ਉਹਨਾਂ ’ਤੇ।52. ਤੇ ਅਹਿਦ ਆਪਣਾ ਤਦੋਂ ਉਸ ਨੇ ਯਾਦ ਫਰਮਾਇਆ,
ਤੇ ਆਪਣੀ ਰਹਿਮਤਾਂ ਦੇ ਨਾਲ ਸੀ ਉਹ ਪਛਤਾਇਆ।53. ਹਾਂ ਗ਼ੈਰ–ਕੌਮਾਂ ਨੂੰ ਉਹਨਾਂ ’ਤੇ ਕੀਤਾ ਮਿਹਰਬਾਨ,
ਕਿ ਜਿਹੜੇ ਉਹਨਾਂ ਨੂੰ ਕੈਦੀ ਬਣਾਕੇ ਲੈ ਗਏ ਸਨ। -
8. ਨਾ ਮੰਨਿਆ ਸੀ ਜਿਨ੍ਹਾਂ ਨੇ ਹੁਕਮ-ਏ-ਖ਼ੁਦਾ,
ਨਾ ਕੀਤੀ ਕੁਝ ਉਹਦੀ ਸਲਾਹ ਦੀ ਪਰਵਾਹ।9. ਹਨੇਰੇ ਦੇ ਵਿਚ, ਸਾਏ ਵਿਚ ਮੌਤ ਦੇ,
ਮੁਸੀਬਤ ਦੇ ਲੋਹੇ ਨਾਲ ਜਕੜੇ ਗਏ।10. ਉਹ ਤੰਗੀ ਵਿਚ ਹੋਏ ਅਤਿ ਆਜਿਜ਼ ਲਾਚਾਰ,
ਉਹ ਡਿੱਗੇ, ਤੇ ਉੱਠਿਆ ਨਾ ਇੱਕ ਮਦਦਗਾਰ।11. ਜਦ ਰੱਬ ਅੱਗੇ ਕੀਤੀ ਸੀ ਦੁੱਖ ਵਿੱਚ ਫਰਿਆਦ,
ਤਦ ਉਹਨਾਂ ਨੂੰ ਕੀਤਾ ਖ਼ੁਦਾ ਨੇ ਆਜ਼ਾਦ।12. ਹਨੇਰੇ ਤੇ ਮੌਤ ਦੀ ਪਰਛਾਈਂ ਤੋਂ ਵੀ,
ਖਲਾਸੀ ਰੱਬ ਉਹਨਾਂ ਨੂੰ ਆਪ ਬਖ਼ਸ਼ੀ ਸੀ।13. ਹਾਂ ਤੋੜ ਸੁੱਟੇ ਉਹਨਾਂ ਦੇ ਬੰਧਨ ਤਮਾਮ,
ਸੋ ਝੁੱਕ ਕੇ ਲੈਣ ਉਹ ਖ਼ੁਦਾਵੰਦ ਦਾ ਨਾਮ।14. ਖ਼ੁਦਾਵੰਦ ਦੀ ਰਹਿਮਤ ਦੀ ਗਾਵਾਂ ਸਨਾ,
ਅਜਾਇਬ ਕੰਮ ਉਹਦੇ ਸੁਣਾਵਾਂ ਸਦਾ।15. ਕਿ ਰੱਬ ਤੋੜੇ ਪਿੱਤਲ ਦੇ ਬੂਹੇ ਤਮਾਮ,
ਤੇ ਵੱਢ ਸੁੱਟੇ ਲੋਹੇ ਦੇ ਬਿੰਦੇ ਤਮਾਮ। -
1. ਨਾ ਸਾਨੂੰ ਰੱਬ, ਨਾ ਸਾਨੂੰ ਰੱਬ, ਦੇ ਆਪ ਨੂੰ ਹੁਣ ਜਲਾਲ,
ਵਫ਼ਾ ਤੇ ਰਹਿਮਤ ਦੇ ਸਬੱਬ, ਜੋ ਤੇਰਾ ਹੈ ਕਮਾਲ।2. ਕਿਸ ਲਈ ਕੌਮਾਂ ਆਖਣ ਇਹ, ਰੱਬ ਕਿੱਥੇ ਉਹਨਾਂ ਦਾ?
ਅਸਾਡਾ ਰੱਬ ਅਸਮਾਨ ’ਤੇ ਹੈ, ਜੋ ਚਾਹਿਆ ਕੀਤਾ ਸਾ।3. ਬਣਾਏ ਬੁੱਤ ਮਨੁੱਖਾਂ ਨੇ, ਹਾਂ ਚਾਂਦੀ ਸੋਨਾ ਢਾਲ,
ਮੂੰਹ ਰੱਖਦੇ ਪਰ ਨਾ ਬੋਲਦੇ ਹਨ, ਨਾ ਵੇਖਣ ਅੱਖੀਆਂ ਨਾਲ।4. ਉਹ ਕੰਨ ਤੇ ਨੱਕ ਤੇ ਹੱਥ ਤੇ ਪੈਰ, ਹਾਂ ਸਭ ਕੁਝ ਰੱਖਦੇ ਹਨ,
ਨਾ ਸੁਣਨਾ, ਸੁੰਘਣਾ, ਛੂਹਣਾ, ਸੈਰ, ਨਾ ਕੁਝ ਕਰ ਸਕਦੇ ਹਨ।5. ਉਹ ਆਪਣੇ ਗਲ਼ੇ ਤੋਂ ਆਵਾਜ਼, ਨਾ ਕੱਢਦੇ ਜ਼ਰਾ ਵੀ,
ਜੋ ਮੰਨਦੇ ਤੇ ਬਣਾਂਦੇ ਨੇ, ਹਨ ਵਾਂਗਰ ਉਹਨਾਂ ਦੀ।6. ਅੱਲ ਇਸਰਾਏਲ, ਖ਼ੁਦਾਵੰਦ ’ਤੇ, ਸਭ ਸੁੱਟ ਦੇ ਆਪਣਾ ਭਾਰ,
ਕਿ ਉਹੋ ਢਾਲ ਹੈ ਉਹਨਾਂ ਦੀ, ਹੈ ਉਹੋ ਮਦਦਗਾਰ।7. ਹਾਰੂਨ ਦੇ ਐ ਘਰਾਣੇ ਤੂੰ, ਸੁੱਟ ਰੱਬ ’ਤੇ ਆਪਣਾ ਭਾਰ,
ਕਿ ਉਹੋ ਢਾਲ ਹੈ ਉਹਨਾਂ ਦੀ, ਹੈ ਉਹੋ ਮਦਦਗਾਰ ।8. ਰੱਬ ਉੱਤੇ ਰੱਖੋ ਆਪਣੀ ਆਸ, ਜੋ ਉਸ ਤੋਂ ਡਰਦੇ ਹੋ,
ਕਿ ਉਹੋ ਉਹਨਾਂ ਦੀ ਹੈ ਢਾਲ, ਤੇ ਮਦਦਗਾਰ ਹੈ ਜੋ। -
8. ਨਿਹਾਇਤ ਹੈ ਰਹੀਮ ਖ਼ੁਦਾ,
ਮਿਹਰਬਾਨ, ਮਿਹਰਬਾਨ, ਮਿਹਰਬਾਨ,
ਉਹ ਧੀਮਾ ਗੁੱਸੇ ਵਿੱਚ ਸਦਾ,
ਮਿਹਰਬਾਨ, ਮਿਹਰਬਾਨ, ਮਿਹਰਬਾਨ,
ਰਹਿਮ ਉਹਦਾ ਵਧ ਕੇ ਹੈ ਕਮਾਲ,
ਭਲਾਈ ਕਰਦਾ ਸਭਨਾਂ ਨਾਲ,
ਸਭ ਖ਼ਲਕਤ ਉਸ ਤੋਂ ਹੈ ਨਿਹਾਲ,
ਮਿਹਰਬਾਨ, ਮਿਹਰਬਾਨ, ਮਿਹਰਬਾਨ।9. ਸਭ ਕਾਰੀਗਰੀਆਂ, ਐ ਖ਼ੁਦਾ,
ਮਿਹਰਬਾਨ, ਮਿਹਰਬਾਨ, ਮਿਹਰਬਾਨ,
ਗੀਤ ਗਾਵਾਂ ਤੇਰੀਆਂ ਸਿਫ਼ਤਾਂ ਦਾ,
ਮਿਹਰਬਾਨ, ਮਿਹਰਬਾਨ, ਮਿਹਰਬਾਨ,
ਪਾਕ ਲੋਕ ਜੋ ਤੇਰੇ ਹਨ ਤਮਾਮ,
ਉਹ ਕਹਿੰਦੇ ਲੈ ਕੇ ਤੇਰਾ ਨਾਮ,
ਕਿ ਤੂੰ ਮੁਬਾਰਿਕ ਹੈਂ ਮੁਦਾਮ,
ਮਿਹਰਬਾਨ, ਮਿਹਰਬਾਨ, ਮਿਹਰਬਾਨ।10. ਉਹ ਸਭ ਤੇਰੀ ਬਾਦਸ਼ਾਹੀ ਦੀ,
ਮਿਹਰਬਾਨ, ਮਿਹਰਬਾਨ, ਮਿਹਰਬਾਨ,
ਬਜ਼ੁਰਗੀ ਦੱਸਦੇ ਰਹਿੰਦੇ ਵੀ,
ਮਿਹਰਬਾਨ, ਮਿਹਰਬਾਨ, ਮਿਹਰਬਾਨ,
ਉਹ ਕਰਦੇ ਰਹਿੰਦੇ ਹਨ ਬਿਆਨ,
ਤਾਂ ਸਾਰੇ ਲੋਕੀ ਲੈਣ ਪਛਾਣ,
ਕਿ ਤੇਰੀ ਕੁਦਰਤ ਬੇ-ਪਾਯਾਨ
ਮਿਹਰਬਾਨ, ਮਿਹਰਬਾਨ, ਮਿਹਰਬਾਨ।11. ਯਾ ਰੱਬ ਬਾਦਸ਼ਾਹੀ ਤੇਰੀ ਹੀ,
ਮਿਹਰਬਾਨ, ਮਿਹਰਬਾਨ, ਮਿਹਰਬਾਨ,
ਹਮੇਸ਼ਾ ਤੀਕਰ ਰਹੇਗੀ,
ਮਿਹਰਬਾਨ, ਮਿਹਰਬਾਨ, ਮਿਹਰਬਾਨ,
ਸਭ ਲੋਕਾਂ ਨੂੰ ਇਹ ਦੱਸਦੇ ਜਾ,
ਰਾਜ ਪੀੜ੍ਹੀਆਂ ਤੀਕਰ ਰਹੇਗਾ,
ਸਭ ਖ਼ਲਕਤ ਉੱਤੇ ਰੱਬ ਹੀ ਦਾ,
ਮਿਹਰਬਾਨ, ਮਿਹਰਬਾਨ, ਮਿਹਰਬਾਨ। -
ਨਾਮ ਜੱਪਾਂ ਮੈਂ ਤੇਰਾ,
ਯਿਸੂ ਤੇਰੀ ਹਮਦ ਸੁਣਾਵਾਂ,
ਯਿਸੂ ਮੇਰਾ ਮੁਕਤੀਦਾਤਾ,
ਇਹੋ ਕਹਿੰਦਾ ਜਾਵਾਂ।1. ਰਾਹ ਤੇ ਸੱਚ ਵੀ ਆਪੇ ਯਿਸੂ,
ਜ਼ਿੰਦਗੀ ਵੀ ਉਹ ਆਪੇ,
ਕਿਉਂ ਨਾ ਉਹਦੇ ਕੋਲ ਜਾ ਕੇ,
ਅਬਦੀ ਜ਼ਿੰਦਗੀ ਪਾਵਾਂ।2. ਯਿਸੂ ਹੈ ਉਹ ਕਲਮਾ ਜਿਹੜਾ,
ਰੱਬ ਦੇ ਨਾਲ ਸੀ ਅਜ਼ਲੋਂ,
ਇਹੋ ਕਲਮਾ ਐ ਖ਼ੁਦਾ ਮੈਂ,
ਲੋਕਾਂ ਨੂੰ ਬਤਲਾਵਾਂ।3. ਮੇਰੀ ਉਹ ਮਜ਼ਬੂਤ ਚਟਾਨ ਤੇ,
ਲੁਕਣ ਦੀ ਥਾਂ ਮੇਰੀ,
ਜਦ ਵੀ ਉਹਦਾ ਨਾਂ ਪੁਕਾਰਾਂ,
ਹੋਵਣ ਦੂਰ ਬਲਾਵਾਂ।4. ਤੇਰਾ ਨਾਂ ਸਰ੍ਹਾਇਆ ਜਾਵੇ,
ਇੱਜ਼ਤ ਹਸ਼ਮਤ ਪਾਵੇ,
ਮੇਰੇ ਪਾਕ ਖ਼ੁਦਾਵੰਦ ਯਿਸੂ,
ਜਿੱਧਰ ਜਾਵਾਂ ਆਵਾਂ। -
ਨਾਸਰੀ ਤੈਨੂੰ ਬੁਲਾਵੇ
ਪਾਪੀ ਸੁਣ ਲੈ ਪੁਕਾਰ ਤੂੰ,
ਚੁੱਕ ਲੈ ਮੋਢੇ ਆਪਣੀ ਸੂਲੀ,
ਖ਼ੁਦ ਦਾ ਕਰ ਇਨਕਾਰ ਤੂੰ।1. ਮੂਰਖ ਛੱਡ ਕੇ ਮੇਰਾ ਦੁਆਰਾ,
ਫਿਰਦਾ ਹੈਂ ਤੂੰ ਮਾਰਾ–ਮਾਰਾ,
ਚੱਲਿਆ ਨਾ ਜਦ ਤੇਰਾ ਚਾਰਾ,
ਆਇਆ ਬਣ ਮੈਂ ਤੇਰਾ ਸਹਾਰਾ,
ਤੇਰਾ ਜ਼ੋਰ ਤੇ ਕੁੱਵਤ ਮੈਂ ਹਾਂ,
ਹੁਣ ਨਾ ਹਿੰਮਤ ਹਾਰ ਤੂੰ।2. ਜੇ ਅਬਦੀ ਆਰਾਮ ਤੂੰ ਲੈਣਾ,
ਕਰ ਕਬੂਲ ਤੂੰ ਹਰ ਦੁੱਖ ਸਹਿਣਾ,
ਛੱਡ ਦੇ ਕੰਢੇ ਉੱਤੇ ਬਹਿਣਾ,
ਮੰਨ ਲੈ ਅੱਜ ਤੂੰ ਮੇਰਾ ਕਹਿਣਾ,
ਤੌਬਾ ਵਾਲੀ ਬੇੜੀ ਬਹਿ ਜਾ,
ਜੇ ਜਾਣਾ ਉਸ ਪਾਰ ਤੂੰ।3. ਰੋਜ਼ ਮੈਂ ਤੇਰੇ ਕੋਲ ਹਾਂ ਆਉਂਦਾ,
ਤੇਰੇ ਦਿਲ ਦਾ ਦਰ ਖੜਕਾਉਂਦਾ,
ਵੇਲਾ ਵੀ ਹੁਣ ਲੰਘਦਾ ਜਾਂਦਾ,
ਅਜੇ ਵੀ ਤੈਨੂੰ ਮੈਂ ਸਮਝਾਉਂਦਾ,
ਆ ਜਾ ਜੇਕਰ ਜ਼ਿੰਦਗੀ ਚਾਹੁੰਨਾ,
ਬਣ ਜਾ ਵਫ਼ਾਦਾਰ ਤੂੰ। -
ਨਜ਼ਰਾਨਾ ਮੇਰਾ ਦਾਤਿਆ ਕਰ ਲਓ ਮਨਜ਼ੂਰ,
ਜ਼ਿੰਦਗੀ ਦੇਣ ਵਾਲਿਆ, ਆਏ ਤੇਰੇ ਹਜ਼ੂਰ।1. ਖ਼ੂਬੀ ਲਿਆਕਤ ਕੋਈ ਨਹੀਂ ਹੈ,
ਖਾਲੀ ਝੋਲੀ ਲਿਆਏ ਹਾਂ,
ਭਰਦੇ ਇਸ ਵਿੱਚ ਆਪਣੀ ਰਹਿਮਤ,
ਰੱਖ ਕੇ ਉਮੀਦਾਂ ਆਏ ਹਾਂ,
ਕਰ ਦੇ ਅੱਜ ਸਾਡੇ ’ਤੇ ਕ੍ਰਿਪਾ,
ਬਖ਼ਸ਼ ਦੇ ਆਪਣਾ ਨੂਰ।2. ਤੇਰਾ ਨਾਮ ਮੁਬਾਰਿਕ ਰੱਬਾ,
ਜੋ ਕੁਝ ਹੈ ਸੋ ਤੇਰਾ,
ਕਾਹਦੀ ਭੇਟ ਚੜ੍ਹਾਵਾਂ ਤੈਨੂੰ,
ਕੁਝ ਵੀ ਨਹੀਂ ਹੈ ਮੇਰਾ,
ਆਣ ਖੜ੍ਹਾ ਹਾਂ ਦਰ ’ਤੇ ਤੇਰੇ,
ਕਰ ਦੇ ਮਾਫ਼ ਕਸੂਰ।3. ਕਰ ਦੇ ਅੱਜ ਮੇਰੇ ’ਤੇ ਕ੍ਰਿਪਾ,
ਮੈਂ ਵੀ ਬਖ਼ਸ਼ਿਆ ਜਾਵਾਂ,
ਛੱਡ ਕੇ ਸਾਰੀ ਮੋਹ ਮਾਇਆ ਨੂੰ,
ਤੇਰੇ ਗੀਤ ਹੀ ਗਾਵਾਂ,
ਚਰਨਾਂ ਦੇ ਨਾਲ ਲਾ ਲੈ ਦਾਤਾ,
ਕਦੀ ਨਾ ਕਰਨਾ ਦੂਰ। -
ਨਿੱਤ ਦਿਲ ਵਿੱਚ ਰਹਿੰਦੀ ਉਹਦੀ ਯਾਦ ਪੁਰਾਣੀ,
ਜਦੋਂ ਚੜ੍ਹਿਆ ਸੂਲੀ, ਮਹਿਬੂਬ ਰੂਬਾਨੀ।1. ਗਤਸਮਨੀ ਦੇ ਵਿੱਚੋਂ,
ਉਹਨੂੰ ਲੈ ਗਏ ਫੜ੍ਹਕੇ,
ਉਹਨੂੰ ਬੇਦੋਸ਼ੇ ਨੂੰ, ਸੰਗਲਾਂ ਨਾਲ ਜੜਕੇ,
ਕੋਈ ਜਾਣ ਨਾ ਸਕਿਆ, ਉਹਦੀ ਪ੍ਰੇਮ ਕਹਾਣੀ।
ਜਦੋਂ ਚੜ੍ਹਿਆ ਸੂਲੀ, ਮਹਿਬੂਬ ਰੂਬਾਨੀ।2. ਥੰਮ੍ਹ ਨਾਲ ਬੰਨ੍ਹ ਕੇ, ਕੋੜੇ ਨਾਲ ਕੁੱਟਦੇ,
ਬੰਨ੍ਹ ਅੱਖਾਂ ਉਹਦੀਆਂ, ਚਿਹਰੇ ’ਤੇ ਥੁੱਕਦੇ,
ਉਹਨਾਂ ਬੇਕਦਰਾਂ ਨੇ, ਉਹਦੀ ਕਦਰ ਨਾ ਜਾਣੀ।
ਜਦੋਂ ਚੜ੍ਹਿਆ ਸੂਲੀ, ਮਹਿਬੂਬ ਰੂਬਾਨੀ।3. ਕਿੱਲਾਂ ਨਾਲ ਜੜ੍ਹ ਕੇ, ਉਹਨੂੰ ਸੂਲੀ ਟੰਗਿਆ ,
ਮੂੰਹ ਸਿਰਕਾ ਲਾਉਂਦੇ, ਜਦੋਂ ਪਾਣੀ ਮੰਗਿਆ,
ਨਾ ਦਿੱਤਾ ਕਿਸੇ ਉਹਨੂੰ, ਦੋ ਘੁੱਟ ਪਾਣੀ।
ਜਦੋਂ ਚੜ੍ਹਿਆ ਸੂਲੀ, ਮਹਿਬੂਬ ਰੂਬਾਨੀ। -
ਨੂਰ ਚਮਕੇ ਪ੍ਰਭੂ ਅੱਜ ਤੇਰਾ,
ਤੇਰੀ ਪਾਕ ਹੈਕਲ ਵਿੱਚ,
ਹੋਵੇ ਦਰਸ਼ਨ ਪ੍ਰਭੂ ਜੀ ਸਾਨੂੰ ਤੇਰਾ,
ਤੇਰੀ ਪਾਕ ਹੈਕਲ ਵਿੱਚ।1. ਸੁਲੇਮਾਨ ਨੇ ਸੀ ਹੈਕਲ ਬਣਾਈ,
ਆਪਣੇ ਨਾਂ ਦੀ ਤੂੰ ਮਹਿਮਾ ਰਚਾਈ,
ਉੱਥੇ ਹੋ ਗਿਆ ਪ੍ਰਭੂ ਜੀ ਵਾਸ ਤੇਰਾ।2. ਤੇਰੇ ਘਰ ਵਿੱਚ ਹੋਣ ਦੁਆਵਾਂ,
ਸ਼ਰਧਾ ਨਾਲ ਤੇਰੇ ਘਰ ਵਿੱਚ ਆਵਾਂ,
ਕੀਤਾ ਜ਼ਿੰਦਗੀ ’ਚੋਂ ਦੂਰ ਹਨੇਰਾ।3. ਜੋ ਕੋਈ ਤੇਰੇ ਘਰ ਵਿੱਚ ਆਇਆ,
ਉੱਜੜਿਆ ਉਹਦਾ ਘਰ ਤੂੰ ਵਸਾਇਆ,
ਉਹਦੀ ਜ਼ਿੰਦਗੀ ’ਚ ਹੋ ਗਿਆ ਸਵੇਰਾ।4. ਅੱਜ ਦਾ ਦਿਨ ਸਭ ਲਈ ਮਹਾਨ ਹੈ,
ਇਸ ਹੈਕਲ ਨੂੰ ਤੂੰ ਕੀਤਾ ਪਰਵਾਨ ਹੈ,
ਹੋਇਆ ਪਾਪ ਵਾਲਾ ਜੱਗ ਤੋਂ ਨਬੇੜਾ।5. ਇਸ ਹੈਕਲ ਵਿੱਚ ਜੋ ਕੋਈ ਆਵੇ,
ਮੰਗੀਆਂ ਮੁਰਾਦਾਂ ਤੇਰੇ ਤੋਂ ਪਾਵੇ,
ਦੂਰ ਹੋਵੇ ਸਭ ਦਿਲਾਂ ਦਾ ਹਨੇਰਾ। -
ਨਾਮ ਸਿਮਰ ਲੈ ਓ ਮਨ ਮੇਰੇ, ਤੂੰ ਆ ਯਿਸੂ ਦੇ ਨੇੜੇ।
1. ਪਲ ਦਾ ਵਸਾਹ ਨਹੀਂ ਕੱਲ ਲਈ ਸੋਚੇਂ,
ਕੱਲ ਨਾ ਆਵੇ ਤੇਰੇ ਨੇੜੇ ।2. ਨਾਮ ਲਿਆ ਜਿਸ ਸੋ ਤਰ ਜਾਵੇ,
ਪਾਪ ਕੀਏ ਜੋ ਮਾਫ਼ੀ ਪਾਵੇ।3. ਧਨ ਦੌਲਤ ਤੇਰੇ ਨਾਲ ਨਾ ਜਾਣੇ,
ਨਾਲ ਨੇ ਜਾਣੇ ਕਰਮ ਇਹ ਤੇਰੇ।4. ਇੱਕ ਦਿਨ ਯਿਸੂ ਜੀ ਦੇ ਪੇਸ਼ ਹੈ ਹੋਣਾ,
ਪਾਪ ਨੇ ਲੱਭਣੇ ਤੇਰੇ ਬਥੇਰੇ।5. ਭਰਮ ਕਰੇਂ ਕਿਉਂ ਓ ਮਨ ਕਾਫ਼ਰਾ,
ਹਰ ਪਲ ਯਿਸੂ ਨਾਲ ਹੈ ਤੇਰੇ।6. ਦੁਨੀਆ ’ਚ ਘੱਲਿਆ, ਤੂੰ ਨਾਮ ਸਿਮਰ ਲੈ,
ਮਨ ਕਿਉਂ ਲਾਇਆ, ਚਾਰ ਚੁਫ਼ੇਰੇ।7. ਸੱਚ ਦੀ ਪੌੜ੍ਹੀ ਜੋ ਹੈ ਚੜ੍ਹਦਾ, ਝੂਠ ਦੇ ਨੇੜੇ ਉਹ ਨਾ ਖੜ੍ਹਦਾ,
ਵਿੱਚ ਸੁਰਗਾਂ ਦੇ ਲਾਵੇ ਡੇਰੇ। -
ਨਾਮ ਬਿਨਾਂ ਹੈ ਹਨੇਰਾ, ਯਿਸੂ ਤੇਰੇ ਨਾਮ ਬਿਨਾਂ ।
1. ਯਿਸੂ ਦਾ ਨਾਂ ਚੰਗਾ ਕਰਦਾ ਬਿਮਾਰਾਂ ਨੂੰ,
ਦਿਲ ਦਾ ਆਰਾਮ ਦੇਵੇ ਦੁਖੀਆਂ ਲਾਚਾਰਾਂ ਨੂੰ,
ਸਭ ਨਾਵਾਂ ਤੋਂ ਚੰਗੇਰਾ, ਯਿਸੂ ਤੇਰੇ ਨਾਮ ਬਿਨਾਂ।2. ਮਾਫ਼ ਕਰਨ ਲਈ ਮੇਰੀਆਂ ਬਦੀਆਂ,
ਖੂਨ ਦੀਆਂ ਧਾਰਾਂ ਯਿਸੂ ਸੂਲੀ ’ਤੇ ਵਗੀਆਂ,
ਸਾਫ਼ ਕਰਨ ਦਿਲ ਮੇਰਾ, ਯਿਸੂ ਤੇਰੇ ਨਾਮ ਬਿਨਾਂ।3. ਯਿਸੂ ਦਾ ਨਾਂ ਸੁਣਕੇ, ਭੱਜਦਾ ਸ਼ੈਤਾਨ ਏ,
ਉਹਦਾ ਹੀ ਨਾਂ ਉੱਤੇ ਜ਼ਮੀਂ–ਆਸਮਾਨ ਦੇ,
ਸਭ ਨਾਂਵਾਂ ਤੋਂ ਚੰਗੇਰਾ, ਯਿਸੂ ਤੇਰੇ ਨਾਮ ਬਿਨਾਂ। -
ਨਾਮ ਜੱਪ, ਨਾਮ ਜੱਪ, ਨਾਮ ਜੱਪ ਲੈ,
ਹਾਏ ਨੀ ਜਿੰਦੇ ਮੇਰੀਏ ਤੂੰ ਨਾਮ ਜੱਪ ਲੈ।1. ਪਾਪਾਂ ਤੇ ਗ਼ੁਨਾਹਾਂ ’ਚ ਗੁਆਈ ਜ਼ਿੰਦਗੀ,
ਕੀਤੀ ਨਾ ਤੂੰ ਯਿਸੂ ਦੀ ਕਦੇ ਵੀ ਬੰਦਗੀ,
ਯਿਸੂ ਦਾ ਨਾਮ ਸੁਬ੍ਹ–ਸ਼ਾਮ ਜੱਪ ਲੈ,
ਹਾਏ ਨੀ ਜਿੰਦੇ ਮੇਰੀਏ ਤੂੰ ਨਾਮ ਜੱਪ ਲੈ।2. ਨਾਮਾਂ ਵਿੱਚੋਂ ਉੱਤਮ ਨਾਮ ਹੈ ਯਿਸੂ ਦਾ,
ਸੂਲੀ ਵਾਲਾ ਵੇਖ ਲੈ ਨਿਸ਼ਾਨ ਯਿਸੂ ਦਾ,
ਅੱਖਾਂ ਅੱਗੇ ਰੱਖ ਲੈ ਕਲਾਮ ਯਿਸੂ ਦਾ,
ਹਾਏ ਨੀ ਜਿੰਦੇ ਮੇਰੀਏ ਤੂੰ ਨਾਮ ਜੱਪ ਲੈ।3. ਨਾਮ ਜੱਪਿਆ ਹੀ ਤੇਰੇ ਕੰਮ ਆਉਣਾ ਏ,
ਬਿਨਾਂ ਨਾਮ ਜੱਪਿਆ ਤੂੰ ਪਛਤਾਉਣਾ ਏ,
ਮੁਕਤੀਦਾਤੇ ’ਤੇ ਇਮਾਨ ਰੱਖ ਲੈ,
ਹਾਏ ਨੀ ਜਿੰਦੇ ਮੇਰੀਏ ਤੂੰ ਨਾਮ ਜੱਪ ਲੈ।4. ਯਿਸੂ ਨਾਮ ਨਾਲ ਜਾਂਦੀਆਂ ਬਿਮਾਰੀਆਂ,
ਮਿਟ ਜਾਣ ਸਾਰੀਆਂ ਹੀ ਬਦਕਾਰੀਆਂ,
ਬੰਦਿਆ ਤੂੰ ਪੱਕਾ ਇਮਾਨ ਰੱਖ ਲੈ,
ਹਾਏ ਨੀ ਜਿੰਦੇ ਮੇਰੀਏ ਤੂੰ ਨਾਮ ਜੱਪ ਲੈ। -
ਨਾਮ ਤੇਰਾ ਉੱਚੀਆਂ ਸ਼ਾਨਾਂ ਵਾਲਾ, ਦੁਖੀਆਂ ਤੇ ਬਿਮਾਰਾਂ ਨੂੰ,
ਸਹਾਰਾ ਦੇਣ ਵਾਲਾ ਏ।1. ਭੁੱਲੇ ਅਤੇ ਭਟਕੇ ਲੋਕੀ, ਆਉਂਦੇ ਨੇ ਦੁਆਰ ਤੇਰੇ,
ਤਰ ਜਾਂਦੇ ਪਲਾਂ ਵਿੱਚ, ਰੱਖਦੇ ਇਮਾਨ ਜਿਹੜੇ,
ਪਾਕ ਦਰਬਾਰ ਤੇਰਾ, ਸੁੱਖਾਂ ਦਾ ਭੰਡਾਰਾ ਏ।2. ਅੰਨ੍ਹੇ ਬੋਲ਼ੇ, ਲੂਲ੍ਹੇ ਲੰਗੜੇ ਸ਼ਿਫ਼ਾ ਤੇਥੋਂ ਪਾਂਵਦੇ,
ਸਦੀਆਂ ਦੇ ਪਿਆਸੇ ਆ ਕੇ ਪਿਆਸ ਬੁਝਾਂਵਦੇ,
ਗ਼ਮਾਂ ਨਾਲ ਸੜਦੇ ਸੀਨੇ, ਠਾਰਨ ਵਾਲਾ ਏ।3. ਜੱਗ ਦੇ ਸਤਾਏ ਲੋਕੀ ਕੋਲ ਤੇਰੇ ਆਂਵਦੇ,
ਖਾਲੀ ਝੋਲੀ ਦਰ ਤੇਰੇ ਤੋਂ ਭਰ-ਭਰ ਜਾਂਵਦੇ,
ਡੁੱਬਿਆਂ ਦੇ ਬੇੜਿਆਂ ਨੂੰ, ਤਾਰਨ ਵਾਲਾ ਏ। -
ਨਜ਼ਰ ਆਪਣੇ ਪਿਆਰ ਦੀ ਪ੍ਰਭੂ ਮੇਰੇ ਉੱਤੇ ਕਰ,
ਝੋਲੀ ਮੇਰੀ ਹੈ ਖਾਲੀ ਬਰਕਤ ਦੇ ਨਾਲ ਭਰ।1. ਪਾਪੀ ਹਾਂ ਮੈਂ ਖ਼ੁਦਾਇਆ ਤੂੰ ਮੈਨੂੰ ਮਾਫ਼ ਕਰਦੇ,
ਖੂਨ ਆਪਣੇ ਨਾਲ ਧੋ ਕੇ ਜ਼ਖ਼ਮ ਦਿਲ ਦੇ ਸਾਫ਼ ਕਰਦੇ,
ਹੁਕਮਾਂ ਨੂੰ ਤੇਰੇ ਮੰਨਾਂ ਨਾਲੇ ਮੰਨ ਤੇਰਾ ਡਰ।2. ਦੁਨੀਆ ਦੀ ਕੋਈ ਦੌਲਤ ਤੇਰੇ ਤੋਂ ਨਹੀਂ ਪਿਆਰੀ,
ਮੈਂ ਹੱਸ ਕੇ ਵਾਰ ਦੇਵਾਂ ਤੇਰੇ ਤੋਂ ਦੁਨੀਆ ਸਾਰੀ,
ਬਾਗ਼-ਏ-ਅਦਨ ਤੋਂ ਪਿਆਰਾ ਲੱਗਦਾ ਯਿਸੂ ਦਾ ਦਰ।3. ਸੁਣ ਲੈ ਦੁਆ ਤੂੰ ਮੇਰੀ ਮੇਰੇ ਮਸੀਹਾ ਪਿਆਰੇ,
ਤੇਰੇ ਹੀ ਗੀਤ ਗਾਵਣ ਦੁਨੀਆ ਦੇ ਲੋਕ ਸਾਰੇ,
ਤੇਰੇ ਪਿਆਰ ਦਾ ਦਿਵਾਨਾ ਹੋ ਜਾਏ ਹਰ ਬਸ਼ਰ। -
ਨਾਮ ਹੈ ਤੇਰਾ ਸਹਾਰਾ ਮੇਰਾ,
ਨਾਮ ਹੈ ਤੇਰਾ ਸਹਾਰਾ ਮੇਰਾ,
ਦੂਜਾ ਦਰ ਨਹੀਂਓਂ ਤੱਕਣਾ,
ਕਿ ਹਰ ਵੇਲੇ ਯਿਸੂ ਜੱਪਣਾ,
ਕਿਉਂਕਿ ਨਾਮ ਹੈ ਤੇਰਾ ਸਹਾਰਾ ਮੇਰਾ।1. ਸ਼ਮ੍ਹਾਂ ਹੈ ਸਲੀਬ, ਨਾ ਤੂੰ ਹਟੀਂ ਪਰਵਾਨਿਆ,
ਚੜ੍ਹ ਜਾ ਸਲੀਬ ਉੱਤੇ ਯਿਸੂ ਦੇ ਦਿਵਾਨਿਆ,
ਜੋ ਦਰ ਤੇਰੇ ਆਂਵਦਾ,
ਉਹ ਜਾਨ ਬਚਾਂਵਦਾ, ਦੂਜਾ ਦਰ…।2. ਗ਼ੈਰਾਂ ਦੀ ਲਾਟ ਉੱਤੇ ਜਾਵੇ ਪਰਵਾਨਾ ਨਾ,
ਸ਼ਮ੍ਹਾਂ ਦੇ ਬਗ਼ੈਰ ਰੱਖੇ ਹੋਰ ਕੋਈ ਨਿਸ਼ਾਨਾ ਨਾ,
ਯਿਸੂ ਜਿਹੀ ਸ਼ਾਨ ਨਹੀਂ,
ਕਿ ਹੋਰ ਕੋਈ ਨਾਮ ਨਹੀਂ, ਦੂਜਾ ਦਰ…।3. ਯਿਸੂ ਤੇਰੇ ਨਾਮ ਵਿੱਚ ਮਿਲ ਗਈ ਆਜ਼ਾਦੀ ਏ,
ਮੰਨਿਆ ਕਲਾਮ ਤੇਰਾ, ਮੁੱਕੀ ਬਰਬਾਦੀ ਏ,
ਕਿ ਦਿਲ ਹੁਣ ਸ਼ਾਦ ਹੈ
ਕਿ ਘਰ ਆਬਾਦ ਹੈ, ਦੂਜਾ ਦਰ…।4. ਕਈਆਂ ਤੇਰੇ ਨਾਂ ਵਿੱਚ
ਜੇਲ੍ਹਾਂ ਨੂੰ ਹਿਲਾਇਆ ਸੀ,
ਟੁੱਟ ਗਈ ਜ਼ੰਜੀਰ ਜਦੋਂ ਨੂਰ ਚਮਕਾਇਆ ਸੀ,
ਯਿਸੂ ਤੂੰ ਨੂਰ ਹੈਂ,
ਤੇਰਾ ਜੋ ਹੂਰ ਹੈ, ਦੂਜਾ ਦਰ…। -
ਨੇੜੇ–ਨੇੜੇ ਹੋ ਯਿਸੂ ਜੀ,
ਕੱਲੀ ਕੁਰਲਾਏ ਮੇਰੀ ਜਾਨ।1. ਗਲਤੀਆਂ ਸਾਡੀਆਂ ਮਾਰਾਂ ਤੂੰ ਖਾਧੀਆਂ,
ਆਸ਼ੀਸ਼ਾਂ ਤੁਹਾਡੀਆਂ,
ਜੀਉਣ ਨਹੀਂ ਦਿੰਦਾ ਇਹ ਸ਼ੈਤਾਨ, ਸ਼ੈਤਾਨ।2. ਮੈਨੂੰ ਤੂੰ ਪਿਆਰ ਦੇ, ਵਿਗੜੀ ਸਵਾਰ ਦੇ,
ਡੁੱਬਦੇ ਨੂੰ ਤਾਰ ਦੇ ਤੇਰਾ ਤੇ
ਜ਼ਿੰਦਾ ਏ ਕਲਾਮ, ਕਲਾਮ।3. ਯਿਸੂ ਬਚਾਉਣ ਵਾਲਾ, ਲੰਗੜੇ ਚਲਾਉਣ ਵਾਲਾ,
ਮੁਰਦੇ ਜਵਾਉਣ ਵਾਲਾ,
ਸਾਰਿਆਂ ਤੋਂ ਉੱਚੀ, ਉਹਦੀ ਸ਼ਾਨ, ਸ਼ਾਨ। -
ਨਾਮ ਯਿਸੂ ਜੀ ਦਾ ਦਿਲ ’ਚ ਵਸਾ ਲੈ,
ਸਵਰਗਾਂ ’ਚ ਸੁੱਖ ਪਾਵੇਂਗਾ,
ਛੱਡ ਬਦੀਆਂ ਤੂੰ ਨੇਕੀਆਂ ਕਮਾ ਲੈ,
ਸਵਰਗਾਂ ’ਚ ਸੁੱਖ ਪਾਵੇਂਗਾ।1. ਵੇਲਾ ਨਾ ਗਵਾ, ਤੇਰੇ ਹੱਥ ਨਹੀਂਓਂ ਆਣਾ ਏ,
ਛੱਡ ਕੇ ਜਹਾਨ ਇੱਕ ਦਿਨ ਤੁਰ ਜਾਣਾ ਏ,
ਇੱਕ ਵਾਰ ਕੰਨਾਂ ਨੂੰ ਹੱਥ ਲਾ ਲੈ।2. ਬੰਦਗੀ ਤੂੰ ਕਰ ਬੰਦੇ ਬੜ੍ਹਾ ਸੁੱਖ ਪਾਵੇਂਗਾ,
ਜੇ ਨਾ ਕੀਤੀ ਤੌਬਾ ਸਿੱਧਾ ਨਰਕਾਂ ਨੂੰ ਜਾਵੇਂਗਾ,
ਇੱਕ ਵਾਰ ਕੰਨਾਂ ਨੂੰ ਹੱਥ ਲਾ ਲੈ।3. ਖਾਰਾਂ ਬੁਰਿਆਈਆਂ ਸਭ ਦਿਲੋਂ ਕੱਢ ਕੇ,
ਸਿੱਧੇ ਰਾਹ ’ਤੇ ਤੁਰ ਸੰਗ ਬੁਰਿਆਂ ਦਾ ਛੱਡ ਕੇ,
ਨਾਮ ਜੀਵਨ ਦੀ ਪੋਥੀ ’ਚ ਲਿਖਾ ਲੈ।4. ਪਾਪਾਂ ਵਾਲੀ ਬੇੜੀ ’ਚ ਕਾਹਨੂੰ ਜਾਵੇਂ ਰੁੜ੍ਹਦਾ,
ਮਾਰਦਾ ਅਵਾਜ਼ਾਂ ਯਿਸੂ ਪਿੱਛੇ ਕਿਉਂ ਨੀ ਮੁੜਦਾ,
ਉਹਦਾ ਹੋ ਜਾ ਉਹਨੂੰ ਆਪਣਾ ਬਣਾ ਲੈ।5. ਹਾਲੇ ਵੀ ਸਮਝ ਤੈਨੂੰ ਆਉਂਦੀ ਨਹੀਂਓਂ ਝੱਲਿਆ,
ਪਲ–ਪਲ ਕਰ ਸਮਾਂ ਹੱਥੋਂ ਲੰਘ ਚੱਲਿਆ,
ਛੇਤੀ ਕਰ ਅੱਗੇ ਕਦਮ ਵਧਾ ਲੈ। -
ਨਿਹਚਾ ਅੱਗੇ ਨਹੀਂ ਪਹਾੜ ਖਲੋ ਸਕਦਾ,
ਕਰੀਏ ਜੇ ਵਿਸ਼ਵਾਸ ਤਾਂ ਸਭ ਕੁਝ ਹੋ ਸਕਦਾ।1. ਜੋ ਮੰਗਦਾ ਏ ਉਹ ਪਾਉਂਦਾ ਏ,
ਖੁੱਲ੍ਹ ਜਾਵੇ ਜੋ ਖੜਕਾਉਂਦਾ ਏ,
ਰਹਿਮਤ ਦਾ ਦਾਨੀ ਯਿਸੂ,
ਦੁਖੀਆਂ ਨੂੰ ਗਲ਼ ਨਾਲ ਲਾਉਂਦਾ ਏ,
ਗਹਿਰੇ ਜ਼ਖ਼ਮ ਦਿਲਾਂ ਦੇ ਯਿਸੂ ਧੋ ਸਕਦਾ।2. ਜੋ ਵਿੱਚ ਇਮਾਨ ਦੇ ਪੂਰੇ ਨੇ,
ਉਹ ਜਦ ਅਜ਼ਮਾਏ ਜਾਂਦੇ ਨੇ,
ਮੂੰਹ ਬੰਦ ਹੋ ਜਾਂਦੇ ਸ਼ੇਰਾਂ ਦੇ,
ਭੱਠੀਆਂ ਵਿੱਚ ਪਾਏ ਜਾਂਦੇ ਨੇ,
ਜਿਹਦੀ ਬਾਂਹ ਯਿਸੂ ਨੇ ਫੜ੍ਹ ਲਈ,
ਕੋਈ ਨਹੀਂ ਖੋਹ ਸਕਦਾ।3. ਜੱਗ ਯਾਦ ਉਹਨਾਂ ਨੂੰ ਕਰਦਾ,
ਜੋ ਨਿਹਚਾ ਦੇ ਬਾਨੀ ਹੋਏ ਨੇ,
ਮੈਥੋਂ ਜਲਵੇ ਉਹਨਾਂ ਸੰਤਾਂ ਦੇ,
ਹੁਣ ਜਾਂਦੇ ਨਹੀਂ ਲੁਕੋਏ ਨੇ,
ਰੱਬ ਦੇ ਕੋਲੋਂ ਕਿਹੜਾ ਪਾਪ ਲੁਕੋ ਸਕਦਾ।
